PATALYA. DAVAM

 “Qarabağ” Futbol Klubu Qızlcahamda hazırlıqlarını davam etdirir. İki öncə “Eskişehirspor”la yoxlama oyunu keçirən komandamız dünən istirahət verib. Komandamızın baş məşqçisi Rasim Kara futbolçulara Ankaranı gəzməyə və alış-veriş etməyə imkan yaradıb. Bu gündən isə komandamızın məşqləri intensivləşib. Günün ilk məşqi 10:30-da baş tutub. Komandamız 2 dəfə 15 dəqiqəlik kross qaçıb. Ardınca topla fərqli hərəkətlərlə məşqi sona yetirib. Günün ikinci məşqinin saat 17:30-da keçirilməsinin planlaşdırıldığını da xəbər verək. Bu dəfə ki çalışma təmamilə toplu və taktiki çalışmalara yönələcək.

Xəbər verdiyimiz kimi, komandamızda Tomas Pesir, Goran Vujanoviç və Arnel Petroviç baxışa gəlmişdi. Hər üç futbolçu sonuncu yoxlama oyununda da sınaqdan keçirilmişdi. Lakin adları çəkilən futbolçular artıq komandanın düşərgəsində deyil. Komandamızın baş məşqçisi Rasim Kara futbolçuları hazır olmadıqları üçün geri göndərib. Bu gün komandamıza daha iki legioner baxışa gələcək. Hər iki futbolu haqqında saytımızdan məlumat almağı unutmayın. Bu arada “Kayserispor”lu İqlesiasla maraqlansaq da, futbolçu Azərbaycanda oynamaqdan imtina etdiyi üçün bu transfer baş tutmayacaq.