PATALYA. İLK RƏQİBLƏR. FOTOQALEREYA

“Qarabağ” Futbol Klubu Qızılcahamamda hazırlıqlarını davam etdirir.  Komandamız təlim-məşq toplanışının ikinci günündə iki hazırlıq keçib. Günün ilk çalışması saat 11:00-da gerşəkləşib. Məşqin ilk yarım saatı müxtəlif isinmə hərəkətlərinə həsr olunub. Ardıca komandamız müəyyən taktiki gedişlərə əsaslanan qapısız, eyni zamanda 2 qapıya futbol oynayıblar. Bu məşqdə eyni zamanda komandamızın ilk transferi Artim Şakiri də iştirak edib. 3 il bundan öncə “Beşiktaş”a transfer olunan lakin zədə ucbatından meydana çıxa bilməyən, Türkiyə millisinin aşağı yaş komandalarında forma geymiş Güvən, eyni zamanda Muammer, Abdullah da məşqdə iştirak ediblər. Axşam məşqi isə  texniki və taktiki hazırlığa yönəlmiş çalışmalar keçirilib.

Yeri gəlmişkən komandamızın Türkiyədə keçirəcəyi hazırlıqlıq oyunlarının taleyinə aydınlıq gəlməkdədir. Komandamızın baş məşqçisi Rasim Karanın dediyinə görə İyulun 22-nə qədər 5 hazırlıq matçı keçirilməsi planlaşdırlır. Ayın 9-unda ilk rəqibimiz “Tarımkredispor” olacaq. İyunun 18-i isə Türkiyə superliqasında çıxış edən “Kayserispor”la qarşılaşacağıq. Komandamızın rəqibləri bəlli olduqca saytımızdan bu barədə mütəmadi olaraq məlumat ala biləcəksiniz...

"QARABAĞ MƏŞQDƏ...