PATALYA. KROSS VƏ TOMAS...

“Qarabağ” Futbol Klubu Qızılcahamamda təlim-məşq toplanışını davam etdirir. Komandamızın hazırlığın 8-ci günündə cəmi bir hazırlıqla yetinib. Dünən “Zestafoni” ilə yoxlama oyunu keçirən komandamızın baş məşqçisi Rasim Kara futbolçuları çox yükləməmə qərarına gəlib.  Belə də,  saat 10:30-da baş tutan çalışamada futbolçular topsuz mışq ediblər. Daha doğrusu, futbolçularımız krossla yetinməli olub. Futbolçularımız hər biri 15 dəqiqə olmaqla 2 kross yerinə yetiriblər. Son da təxminən 20 dəqiqəlik soyutma hərəkətləri ilə məşqi başa çatdırıblar.

Bu gün komandamıza yeni legioner qoşulub. 27 yaşlı Çexiyalı Tomas hücumçudur. Karyerası boyunca “Slaviya” (Çexiya), “Kayserispor” (Türkiyə), “Livinqston” (Şotlandiya), Mons (Belçika) kimi klubların formasını geyinib. Əla fiziki göstəriciləriylə diqqət çəkən Toması komandamız bir neçə yoxlama oyununda sınaqdan keçirəcək.

Komandamıza bu gün daha iki legioner qoşulacaq. Goran Vujanoviç və Arnel Petroviç müvafiq olaraq meydanın mərkəzində və hücumda top qovurlar. Bu gün axşam saatlarında adı çəkilən futbolçular düşərgəyə qoşulacaq.

Xəbər verdiyimiz kimi, komandamız sabah “Eskişehirspor”la qarşılaşacaq.  Türkiyə superliqasına yenicə vəsiqə qazanmış komandayla görüş Gerede adlı bölgədə baş tutacaq. Matçın saat 17:30-da keçirilməsi planlaşdırılır. Görüşün bütün detalları haqqənda saytımızı izləməyi unutmayın.