Ponomaryov Yeni Baş Məşqçi oldu!

“Xəzər Lənkəran” Futbol Klubunun rəhbərliyi tanınmış mütəxəssis İqor Ponomaryovla əməkdaşlıq etmək qərarına gəlib. Bugün Bakıya təşrif buyurmuş Olimpiya çempionu “Xəzər Lənkəran”ın yeni baş məşqçisi təyin olunub.

 
Qeyd edək ki, Ponomaryov Azərbaycanın ən məşhur futbolçularındadır. Onun hesabında Olimpiya çempionu, Yeniyetmələr arasında Avropa çempionu və İçveç çempionu titulları var. Məşqçilik karyerasına İsveçdə başlayan İqor bəy müxtəlif illərdə Azərbaycan milli komandası, Ağdam “Qarabağ”ı və Rusiya “Maşuk”unu çalışdırıb.

Ponomaryov milli çempionatlar tarixində “Xəzər Lənkəran”ı çalışdıracaq 5-ci mütəxəssis olacaq.

"Xəzər-Lənkəran" Futbol Klubunun rəsmi saytının yazdığına görə sabah yeni baş məşqçinin təqdimat mərasimi olacaq.