Premyer Liqada 100-cü oyun

Komandamızın futbolçusu Leandro Andrade Premyer Liqada 100-cü oyununu keçirib. Yarımmüdafiəçimizin yubileyi XXIX turun “Zirə” ilə ev matçına (1:0) təsadüf edib.

25 yaşlı kabo-verdeli 100 görüşdə 32 qola imza atıb. Premyer Liqada yalnız komandamızın formasını geyinən Leandronun debütü 2021/22 mövsümündə gerçəkləşib. O, 2022-ci il fevralın 7-də “Neftçi” ilə səfərdəki (2:1) matçda meydana çıxıb.