PUPONUN TRANSFERİ LİBERYA MEDİASINDA…
PUPONUN TRANSFERİ LİBERYA MEDİASINDA…
“Qarabağ” Futbol Klubu hər zaman futbol ictimayyətində öz dəsti-xətti ilə seçilib. İstər idarəetmə istərsədə futbol meydanında peşəkarlığı üstün tutan klubumuz ölkədə idman şahının inkişafı üçün mümkün olanın ən yaxşısını etməyə çalışıb. Futbolumuzun inkişaf xəttinə dəstək verməyin mühim yollarından biri də səviyyəli futbolçular gətirməklə, futbolu ilə tək kluba deyil, Azərbaycanımıza faydalı olmasına çalışmaqdır. Bu məqsədlə, atılan hər addıma böyük bir diqqətlə nəzarət edən “Qarabağ”FK daha br yeniliyi həyata keçirib.
…Bəli, qəti əminliklə söyləmək olar ki, çoxlarının heç tanımadığı, lakin futbol aləminə Corc Vea kimi istedad nəsib etmiş Liberiyada artıq Azərbaycan kəliməsinin hərarətini hiss edəcəklər. “Qarabağ” FK adı çəkilən Afrika ölkəsinin ən prespektivli futbolçularından sayılan İsaac Tuko Puponu sıralarına qataraq ölkəmizdə səviyyəli bir futbolçuyla tanış etdi. Bu ölkənin informasiyaa vasitələri gənc və istedadlı Puponun “Qarabağ”a transferindən böyük səs-küylə bəhs ediblər.
Ən önəmlisi heç bu da deyil. İsaac Puponun transferi sədası özüylə eyni zamanda AZƏRBAYCAN, “QARABAĞ” sədasını da özüylə aparıb. Ölkə mətbuatında Puponun oynadığı ölkənin coğrafi məkanı da araşdırlıb. Bu da “Qarabağ” FK-nın Azərbaycan futboluna verdiyi və vermək istədiyi ən böyük töhfədir. Gənc, beynəlxalq sferada ilk addımlarını atan müstəqil Azərbaycan respublikasının tanınması üçün idmanın müqayisə olunmaz əhəmiyyətini nəzərə alsaq, Puponun Vətənimizin tanınması üçün bir vasitə olmasını “Qarabağ” FK böyük fəxarət hissiylə bəyan edir.
www.liberiansoccer.com 21 yaşlı, gənc istedad kimi bəhs etdiyi Pupo isə hələ öz sözünü deməyib. Ümidvaraq ki, ölkəsində böyük ümid bəsləndiyi , 2-ci Vea kimi görülən playmeyker “QARABAĞ” adının daha da uzaqlarda səslənməsinə səbəb olacaq. Avropa modern futbol səviyyəsində inkişaf etməyi qarşısına məqsəd qoyan klubumuz yaşıl sahədə ki, uğurlarla yanaşı Azərbaycan kəlməsinin bərqərar olması üçün böyük şövq və sevgiylə çalışır.
Əlbəttə, niyyətimiz heç də hər hansısa bir əsrarəngiz ölkədən, futboldan anlamayan birisini kluba gətirərək, nüfuz qazanmaq deyil. “Qarabağ” FK-nın hər zaman əldə rəhbər tutduğu “sözlə deyil, əməllə” prinsipinə əsasən hələ özünü yolun başlanğıcında hesab edir. Biz hər zaman sözlə yanaşı vədimizə və əməlimizə eyni gözlə, eyni niyyətlə yanaşmışıq. MƏQSƏDİMİZ, ƏMƏLİMİZ, NİYYƏTİMİZ yenə də dəyişməyib. “Qarabağ” FK vasitəsiylə, ölkə futboluna yeni nəfəs, peşəkarlıq, ədalətli mübarizə prinsiplər və idmanın insanlar arasında körpü olması əqidəsiylə yaşamaq. Biz öz məqsədlərimizə inanırıq. Və əminik ki, Pupo və onun kimilər futbolumuzda yeni parlaq səhifə açaraq, ölkə və nüfuzuna yeni hərarət gətirəcək. Buyurun sizdə baxın. Liberiyanın ən böyük idman internet səhifəsi Liberiansoccer.com-un İsaac Puponun “Qarabağ”a transferi haqda məlumatı sizdə izləyin. Və əminik ki, biz sizləri tezliklə yeni belə linklərlə tanış edəcəyik.
