`Qarabağ` 139 pillə irəlilədi...

`Qarabağ` cari mövsümdə avrokuboklarda göstərdiyi başarı uzun müddət yaddaşlardan silinməyəcək. Müstəqillik tariximizdə ilk dəfə reytinq gətirən yarışda 2 mərhələ keçən komandamız 11 xal toplamaqla yanaşı bir sıra rekordlara da imza atmışdı. Bu uğurumuz statistik cəhətdən özünü göstərdi. Belə ki, Beynəlxalq Futbol Tarixi və Statistikaları Federasiyası (İFFHS) dünyanın 350 ən güclü klubunun yeni reytinq siyahısını açıqlayıb. Komandamız böyük sışrayış reallaşdırıb. `Qarabağ`ın qazandığı xallar onu 418-cı sıradan 279-cu pilləyə yüksəlməsinə səbəb olub. Belədə komandamız İngiltərənin `Vest-hem`, `Viqan`, Fransanın `Oser`, Rusiyanın `Lokomotiv`, `Moskva` kimi komandalarını geridə buraxıb. Dünyanın ən güclü 350 klubu arasında Azərbaycanı sadəcə `Qarabağ` təmsil edir. Reytinq siyahısına isə `Mançester Yunayted` başçılıq edir.