“QARABAĞ” 2 – 2 “SİMURQ”. ONLİNE

Artıq 2-ci dövrənin ilk oyunun baş tutmasına saatlar qalıb. “Qarabağ” Futbol Klubunun ilk rəqibi Zaqatalanın “Simurq” kollektivi olacaq. “Qarabağ” Futbol Klubu yenə də azarkeşləri intizarda qoymayacaq. Artıq heyətlər bilindiyi ilk andan etibarən saytımızda tanış ola bilərsiniz. Oyunun  hər anını anbaan izləmək istəyirsinizsə,bizimlə qalın.

Komandalar qarşılaşmaya hazırlaşdıqları anda gözlənilməz hadisə baş verdi. "Qarabağ"ın heyətində  dəyişiklik baş verdi. İsinmə hərəkətləri zamanı zədələnən komandanın qapıçısı Fərhad Vəliyev bu oyunda komandaya kömək edə bilməyəcək. Onun əvəzinə qapını Osman Umarov qoruyacaq.

"QARABAĞ":

Osman Umarov, Nodar Məmmədov, Məhəmməd, Ayxan Abbasov, Aftandil Hacıyev, Hüseyn İsgəndərov, Aslan Kərimov, Qoqa Beraya, Şəhriyar Xəlilov, Murad Ağakişiyev, Kənan Kərimov.

"SİMURQ":

Andrey Nikitin, Mixaylo Strotosyak, Nikola Latko, Aleksandr Malıgin, Ramin Nəsibov, Andrey Danayev, Vladimir Mazyar, Rüstəm Məmmədov, David Balkvadze, Elnur Məmmədov, Ramin Sayadov. 

1-ci dəqiqə - "Qarabağ" oyuna mərkəzdən başladı.

2-ci dəqiqə - "Qarabağ"ın ilk hücumu. Murad Ağakişiyevin vurduğu cərimə zərbəsini qapıçı Nikitin dəf edə bilir.

3-cü dəqiqə - "Qarabağ" ilk künc zərbəsini yerinə yetirir. Şəhriyar Xəlilovun ötürməsinə Məhəmməd başla zərbə endirsə də top tordan aralı keçir.

5-ci dəqiqə - "Simurq" cərimə zərbəsi yerinə yetirir. Osman Umarov topu tutmaqda çətinlik çəkmir.

İlk 5 dəqiqə geridə qaldı. Oyun əsasən meydanın mərkəzində cərəyan edir. Bu vaxt ərzində "Simurq"un  oyunçusu 3 dəfə meydanda  yerə yıxılıb.

8-ci dəqiqə geridə qaldı. Tərəflər meydanın mərkəzində mübarizə aparmağa davam edirlər.

9-cu dəqiqə - "Simurq"un hücumu baş tutmur. Osman Malıginin zərbəsinin qarşısını alır.

12- ci dəqiqə - "Qarabağ" cərimə zərbəsi qazanır. Müdafiədən dönən topa Qoqa yenidən zərbə endirsə də top qapının üstündən keçir.

15-ci dəqiqə - "Qarabağ" yavaş-yavaş rəqibi sıxmağa başlayır.

16-cı dəqiqə - Aslanın ötürməsinə Qoqa çata bilmir

22-ci dəqiqə - "Simurq" hesabı açır. Ramin Nəsibov sol cinahdan cərimə meydançasına daxil olur. Qapıçının səhvindən istifadə edərək topu tora qovuşdurur.

23-cü dəqiqə - "Qarabağ" oyuna mərkəzdən hücumla başlayır. Lakin Aslanın ötürdüyü topa Kənandan qabaq Nikitin çatır

25-ci dəqiqə - "Simurq" hesab arasındakı fərqi artırır.Ramin Sayadov sol küncü dəqiq nişan alır.

30-cu dəqiqə - Oyun meydanın mərkəzində davam edir.

31-dəqiqə - "Qarabağ"ın heyətində ilk dəyişiklik. Şəhriyar Xəlilovun yerinə meydana Vaqif Cavadov daxil olur.

32-ci dəqiqə - Kənanın cərimə zərbəsi qapının yanından keçir

37-ci dəqiqə - Künc zərbəsi zamanı "Simurq"un cərimə meydançasında qarışıqlıq yaşanır. Bu zaman Aftandilin vurduğu top qapının yanından keçir.

41-ci dəqiqə - Kənan Kərimovun ötürməsindən sonra Qoqa topa başla zərbə endirsə də top qapıdan aralı keçir.

İLK YARI BİTTİ. HESAB - 0:2

İKİNCİ YARI BAŞLADI. "QARABAĞ"IN HEYƏTİNDƏ İKİNCİ DƏYİŞİKLİK. Pupo meydanda Qoqa Berayanı əvəzləyəcək.

47-ci dəqiqə - Vaqif cərimə meydançasına daxil olur.Topa zərbə endirə bilsə də top qapının yanından keçir.

50-ci dəqiqə - Oyun davam edir. Hesab dəyişməyib.

52-ci dəqiqə - Komandalar meydanın mərkəzində mübarizə aparır.

56-cı dəqiqə - Oyunda hücumların ardı-arası kəsilmir

62-ci dəqiqə - Oyun hələ də meydanın mərkəzində gedir

63-cü dəqiqə - Aftandil sağ cinahdan gözəl ötürmə etsə də Vaqif topa çata bilmədi

64-cü dəqiqə - "Simurq" ilk dəyişikliyi edir. Mazyarı Kaçur əvəz edir.

65-Cİ DƏQİQƏ - QOOOOOOOOOOOOOOOOOOOOOOOL!!! "QARABAĞ HESAB ARASINDAKI FƏRQİ MİNİMUMA ENDİRİR.PUPONUN ÖTÜRMƏSİNDƏN SONRA VAQİF STROTOSYAKI KEÇƏRƏK QAPIYA TƏRƏF ZƏRBƏ ENDİRİR, QAPIÇI TOPU QAYTARSA DA VAQİF TƏKRAR ZƏRBƏ İLƏ TOPU TORA QOVUŞDURUR.

67-ci dəqiqə - "Qarabağ" rəqibi sıxır. Hücum zamanı Ayxanın vurduğu top qapının üstündən keçir.

69-cu dəqiqə - Oyun gərgin mübarizə şəraitində keçir

75-ci dəqiqə - "Qarabağ"ın hücumları davam edir. Vaqif cərimə meydançasının yanından zərbə vursa da son anda top qapının yanından keçir.

79-cu dəqiqə - Puponun cərimə zərbəsi dəqiq alınmır

80-ci dəqiqə - Muradın ötürməsini Kənan dəyərləndirə bilmədi

81-ci dəqiqə - Oyunda ilk sarı vərəqə. Aslan Kərimova qarşı kobud oyuna görə Ramin Nəsibov sarı vərəqə ilə cəzalandırılır

85-Cİ DƏQİQƏ - QOOOOOOOOOOOOOOOOOOOOOOOOOOOOOOL!!! AFTANDİLİN SAĞ CİNAHDAN ÖTÜRMƏSİNİ PUPO QOLA ÇEVİRİR

86-cı dəqiqə - "Simurq"un heyətində növbəti dəyişiklik. Kaçur meydanı tərk edir. Onu Aqşin əvəz edir.

90-cı dəqiqə - Aftandilin zərbəsini qapıçı dəf edir.

HAKİM OYUNUN ƏSAS VAXTINA 2 DƏQİQƏ ƏLAVƏ EDİR.

91-ci dəqiqə - "Simurq" son oyunçu dəyikşikliyənə əl atır. Ramin Nəsibov meydanı tərk edir. Arif İsayev onu əvəz edir

92-Cİ DƏQİQƏ - OYUN BAŞA ÇATDI. HESAB - 2:2

Oyundan MARAQLI ANLAR...

Oyunun STATİSTİKASI ...