"QARABAĞ-2" BÖYÜK QARDAŞINA QARŞI...

MATÇA 2 SAAT QALMIŞ...

Bir neçə saatdan sonra "Qarabağ" və "Qarabağ-2" arasında keçiriləcək yoldaşlıq oyununa start veriləcək. Bu mövsümlərarası fasilədə "Qarabağ"ın keçirdiyi 6-cı yoldaşlıq görüşüdür. Bu oyunda həm də komandada baxışda olan yeni futbolçulara qiymət veriləcək. İlk dəfə olaraq start heyətində Zaur Həşimov da yer alacaq. Hüseyn İsgəndərov və Maksim Medvedev kiçik zədələr səbəbindən bu oyunu kənardan izləməli olacaqlar. Qapıçı Fərhad Vəliyev və komandanın kapitanı Aslan Kərimov isə Bakıda olmadıqlarına görə meydana çıxmayacaqlar.

1 SAAT ÖNCƏ...

Komanda hər iki yarıda müxtəlif heyətlə çıxış edəcək. İlk yarının start heyəti isə belədir: Osman Umarov, Aftandil Hacıyev, Mamadouba Soumah, Zaur Həşimov, Azər Məmmədov,Ayxan Abbasov, İsaak Pupo, Qoqa Beraya, Murad Ağakişiyev, Kənan Kərimov, Vaqif Cavadov.  

OYUN:

Oyun qarşılıqlı hücumlar çərçivəsidə keçirdi. Bu hücumlar öz bəhrəsini verdi. Ayxan uzaqdan gözəl bir zərbə ilə hesabı açdı. Ancaq "Qarabağ-2"nin cavab qolu gecikmədi. Komandalar Fasiləyə 1:1 hesabı ilə yollandılar. İkinci hissədə baş məşqçi Rasim Kara meydana tamamilə başqa bir heyət buraxdı. Aftandil və Qoqanı çıxmaq şərtilə bütün komanda üzvləri dəyişdirildi. Bu hissədə meydanda baxışda olan futbolçuları da görmək olardı. İkinci hissənin sonlarına yaxın Aftandilin vurduğu qol nəticəsində "Qarabağ" hesabda irəli keçdi. Oyun 2:1 hesabı ilə başa çatdı.