"QARABAĞ-2" FİNALA ÇIXDI

"Qarabağ-2" finala çıxdı. Ölkədə ən güclü əvəzedicilərə malik komnadamız finala yüksəlməkdə çətinlik çəkmədi. "Atəşgah"la yarımfinal matçının ilk "ayağ"ında rəqibinə minimal fərqlə (2:1) qalib gələn Yaşar Hüseynovun yetirmələri cavab görüşündə Binəqədi təmsilçisinə göz açmağa imkan verməyib. Görüşdə hesabı Əfran İsmayılov açıb. Yaxınlarda U-21-də çağrılan playmeyker cərimə zərbəsindən gözəl qola imza atıb. İlk yarı bu hesabla başa çatıb. İkinci yarıda isə artıq "Atəşgah" komandamızın qarşısında tab gətriə bilməyib. Əfran öncə dublunu, ardınca növbəti cərimə zərbəsiylə het-trikini rəsmiləşdirib. Görüşdə son nöqtəni ilk oyunda dubl etmiş Telman Bayramlı qoyub. Beləliklə, 4:0 hesabıyla  qalib gələn (ümumi hesabda 6:1) "Qarabağ-2" finala vəsiqə qazandı. İyunun 30-da baş tutacaq finalda rəqibimiz "Bakı-2"-ni məğlub etmiş "Neftçi - 2" kollektivi olacaq.