"QARABAĞ-2" FİNALA YÜKSƏLDİ ! ! !

Mərhum Jurnalist Salatın Əsgərovanın xatirəsinə həsr olunmuş turnirdə qrup mərhələsinin oyunları başa çatmış, bu gün isə yarımfinal oyunları keçirilmişdir. Sevindirici haldır ki, bu turnirdə iştirak edən, əsasən 1988-89-cu il təvəllüdlülərdən təşkil olunmuş "Qarabağ-2" komandası bu gün yarımfinaldakı rəqibindən də üstün olaraq finala yüksəlmişdir. Finala gedən yolda "Qarabağ-2" "Olimp" (1:0);RİGOEM (7:0); "Bakı"(0:1);"İnam" (9:0) komandaları ilə mücadilədən sonra yarımfinala vəsiqə qazanmışdır. Yarımfinal mücadiləsi isə, Lökbatan qəsəbə stadionunda bu gün keçirildi. "Qarabağ-2"-nin rəqibi bu dəfə "Təhsil" klubu oldu. Gərgin keçən oyun 2:1-lik "Qarabağ"ın gənclərinin xeyrinə başa çatdı.Qolları "Qarabağ"ın heyətindən rəqib qapısına Yasin Yaqubov və Əfran İsmayılov vurdu. Final görüşü fevralın 25-də, saat 15:00-da Lökbatan qəsəbə stadionunda keçiriləcək. Gənc komandamıza uğurlar arzulayaraq, kuboku başı üzərinə qaldıracağına inanırıq.