“QARABAĞ” – 2” İNAMLA İRƏLİLƏYİR

Xəbər verdiyimiz kimi, “Qarabağ” Futbol Klubunun gənclərdən ibarət 2 komandası Bakı birinciliyində iştirak edir. 15-16 yaşlılardan ibarət “”Qarabağ-3” kollektivi keçirdiyi 2 oyunun birindən qalibiyyət, birindən də məğlubiyyətlə ayrılıb. Çempionatın favoritlərindən sayılan “Qarabağ-2” isə öz statusunu doğrultmaqdadır. İlk oyunda “İnam”ı meydandan silən Yaşar Hüseynovun yetirmələri qapısından bir qol buraxdığı halda rəqibi düz 16 dəfə meydanın mərkəzinə dəvət edib. “Neftçi-3”lə qolsuz bərabərliyə qalan komanda 3-cü turda “Məsul”u Mehran Əliyevin vurduğu qolla məğlub edərək liderlər qrupunda qərarlaşıb. Emin Salmanovun başçılıq etdiyi “Qarabağ-3”-ün növbəti rəqibi Mayın 15-i “Bakı-2” kollektivi olacaq. “Qarabağ-2” isə Mayın 13-ü “Azəri”ylə qarşılaçacaq.

Sonda onu xatırladaq ki, çempionatın qrup mərhələsi 18 iyunda başa çatacaq. İyunun 21-indən isə ən güclülər medallar uğrunda mübarizənin taleyini həll edəcək. Final görüşünün İyunun 29-u keçirilməsinin planlaşdırlıdığını qeyd edək. Saytımız vasitəsiylə şəhər birinciliyindən mütəmadi məlumat əldə etməyi unutmayın.