"QARABAĞ - 2" MƏĞLUB OLDU

Bu gün I divizionda mübarizə aparan komandalardan "Qarabağ-2" və NBC komandaları arasında növbəti görüş baş tutub. Oyun Suraxanı qəsəbə stadionunda keçirilib. Oyuna "Qarabağ-2" başladı. Start fiti səslənən kimi komandalar hücuma atıldılar. "Qarabağ-2" ilk dəqiqələrdə hesabı açmağa çox yaxın idi, lakin Aqşin Mehtiyevin vurduğu top qapının yanından keçdi.  Çox keçmədən Orxan Xanlarovun ötürməsindən sonra Bayram Kərimov baş zərbəsi ilə topu tora qovuşdurdu. 3 dəqiqə sonra "Qarabağ -2" hesab arasındakı fərqi artıra bilərdi. Əfranın gözəl ötürməsindən sonra Emin Mustafayev topu qapıya vursa da qapıçı səhvsiz oynadı. Oyunun 26-cı dəqiqəsində NBC hesabı açmağa çox yaxın idi,ancaq Vadim topu uzaqlaşdıra bildi.

Oyun qarşılıqlı hücumlarla davam etsə də ilk yarıda hesab dəyişməz olaraq qaldı. İkinci yarıda isə uğur rəqib komanda tərəfə keçdi. İkinci yarının 16-cı dəqiqəsində qonaqlar hesabı bərabərləşdirməyə nail oldular. Çox keçmədi ki, rəqiblər hesab arasındakı fərqi artırdılar. İrəliləyən dəqiqələrdə qonaqlar daha  2 dəfə fərqləndilər.Və beləliklə oyun 1:4 hesabı ilə başa çatdı.