“QARABAĞ-2” - TƏCRÜBƏSİZLİYİN QURBANI....

Ölkə Çempionatının Birinci Dəstəsində növbəti turun oyunları keçirildi. "Qarabağ-2" Yüksək Dəstəyə çıxmaq uğrunda mübarizə aparan "Ədliyyə" komandasının qonağı oldu...

“ƏDLİYYƏ” 1 – 0 “QARABAĞ-2”
“Qarabağ-2” – Vadim Naumov, Fərid Xudadatov, Fərrux Rəhimov, Natiq Kərimi, Rafiq Əliyev, Elhad Əhmədov, Əfran İsmayılov, Yasin Yaqubov, Orxan Bəşirov (Cavid Mustafayev,76), Röyal Nəcəfov, Şahin Xasaylı.
Qol: R.Abuşev, 82.

Oyun çempionluq uğrunda yarışan rəqib komanda üçün mütləq qələbə, “Qarabağ-2” üçün isə təcrübə baxımından vacib idi.  Oyunun gedişi göstərdi ki, təcrübəsiz “Qarabağ-2” gəncləri daha inamlı oyun sərgiləyərək qələbəni daha çox istəyir. İlk hissə oyunun mərkəzi uğrunda mübarizə getsə də hər iki rəqib tam üstünlüyə yiyələnə bilmədi. Hissənin tək 100%-li qol epizodu isə hakim “cəsarətsizliyi” nəticəsindən reallaşmadı. Hücumçumuz 2 oyunçunun arxada qoyaraq irəlilədiyi zaman arxadan fol cəzasız qaldı.
İkinci hissəni isə oyun baxımından tam olaraq “Qarabağ-2”nin, nəticə baxımından isə “Ədliyyə”nin aktivinə yazmaq olar. Hissənin ilk təhlükəli vəziyyətini Əfran İsmayılov boşa verdi.  Mərkəzdən topa sahib çıxan futbolçumuz qapıçı ilə təkbətək dueldən topu qapıçının üstünə vurdu. Az sonra yenə də Əfran bu dəfə yaxın məsaədən topu qapı çatına tuşladı. Sona yaxın Röyal Nəcəfovun başla zərbəsini qapıçı inanılmaz tullanışla dəf edə bildi. Matç boyu müdafiə olunan “Ədliyyə” isə Abuşevin 82-ci dəqiqədə 25 metrlik məsafədən zərbəsi ilə qələbə qazana bildi....

Yaşar Hüseynov (“Qarabağ-2” Baş Məşqçisi) : “Oyundan komandam böyükhesablı qələbə ilə ayrlmalı idi. Bunu matçı izləyənlər də təstiqləyə bilər. Dəfələrlə 100%-lik qol imkanını sağa sola xərcləməyimiz nəticədə özünü biruzə verdi. Rəqibin kuryoz qolu isə sonda məğlubiyyət gətirdi. Futbolçularım təcrübəsizdir, oyunda da məhz bu amil böyük rol oynadı...”

Turnir cədvəli ilə saytımızın 2 dəstə - turnir cədvəli-ndən tanış ola bilərsiniz.