"QARABAĞ" 2:2 "OLİMPİK"

“Qarabağ” Futbol Klubu mövsümlərarası fasilə dönəmində sonuncu yoxlama görüşü bu gün baş tutacaq. Sonuncu sınaqçı çempionatımızın lideri “Olimpik”dir. Maraqlıdır ki, birincilikdə sonuncu turda qarşılaşdığımız rəqib elə Əsgər Abdullayevin yetirmələri olub. “təyyarəçi”lərlə ötən mövsümün qış fasiləsindədə üz-üzə gəlmişdik. Komandamız həmin görüşdən 3:1 hesablı qələbə ilə ayrılmışdı...

1 saat öncə...

"Qarabağ"ın start heyəti: Fərhad Vəliyev, Aftandil Hacıyev, Muhammet, Ayxan Abbasov, Nodar Məmmədov, Aslan Kərimov, Qoqa Beraya, Pupo, Murad Ağakişiyev, Vaqif Cavadov, Kənan Kərimov

Və oyun...

Görüşün ilk 15 dəqiqəsi kəşfiyyat xarakterində cərəyan etdi. Tərəflər meydanın mərkəzini keçməyə cəhd edir, lakin qarşılıqlı pressinq nəticəsində hücum qurmaqda çətinlik çəkirdilər. Lakin, getdikcə təşəbbüsü ələ alan "Qarabağ" rəqibi sıxmağa başladı. Beləcə qol özünü çox gözlətmədi. 28-ci dəqiqədə Kənan Qoqanın ötürməsindən sonra havaya qalxmış topa əla zərbə endirərək hesabı açdı. Qoldan sonra oyun yenə də meydanın mərkəzində davam edirdi. Hər kəs ilk yarının belə bitəcəyini düşündüyü anda səhnəyə Fabio Luis Ramim çıxdı. Braziliyalı əlavə olunmuş dəqiqədə Muhammetle mübarizədə yerə yıxıldı. Hakim tərədüdlə təyin etdiyi penaltini səbəbkar özü dəqiq yerinə yetirdi.

İkinci yarıya komandamız 2 əvəzləməylə başladı. Hüseyn Aslanın yerinə daxil oldu. Dünən baxışa gəlmiş gürcü Şota isə Kənanın yerinə meydana daxil oldu. İkinci yarının ilk 10 dəqiqəsi təmamilə komandamızın üstünlüyü ilə keçdi. Öncə, Qoqanın zərbəsini qapıçı son anda qapı xəttindən çıxardı, Vaqifin zərbəsi dirəyi yalayaraq "boş"a getdi. Muard isə bir metrdən boş qapıya düşə bilmədi. Əvəzində "Olimpik" hesabda önə keçdi. Muhammetin kobud səhvindən sonra. Amma komandamız Fərhad istisna olmaqla təmamilə dəyişsə də ruhdan düşmədi. 86-cı dəqiqədə oyuna sonradan girən 16 yaşlı Şəhriyar Xəlilov Timur İSrafilovun ötürməsini qəbul edərək "Qarabağ"da qol hesabını açdı. Son dəqiqədə qələbə qolunu da vura bilərdik. Lakin, Əfranın zərbəsi qapının yanından keçdi. Beləliklə, "Qarabağ" fasilə dönəmində keçirdiyi sonuncu görüş 2:2 hesabıyla başa çatdı.