“QARABAĞ” 3 – 0 U-19

“Qarabağ” mövsümöncəsi hazırlığın Bakı mərhələsində ilk matçını 19 yaşlılardan ibarət milliylə keçirdi. Suaraxanı stadionunda baş tutan matçda baş məşqçi meydançaya aşağıdakı heyəti buraxmışdı.

Fərhad Vəliyev, Hüseyn İsgəndərov, Timur İsrafilov, Maksim Medvedev, Nodar Məmmədov, Aslan Kərimov, Tagim Novruzov, Murad Ağakişiyev, Şəhriyar Xəlilov, Vaqif Cavadov, Viktor İbekoyi

4-4- 2 taktiki sxeminə üstünlük verən komandamız ilk dəqiqələrədən təşəbbüsü ələ aldı. Çox keçmədi ki, matçda hesab açıldı. 10-cu dəqiqədə müdafiəçilərin kobud səhvindən sonra topu ələ keçirən Vaqif “Qarabağ”ı hesabda önə keçirdi. Qeyd edək ki, milli komandanın heyətində “Qarabağ”ın futbolçuları Bayram Kərimov, Elhad Əhmədov, Emin Mustafayev, Fuad Vahabzadə forma geyirdi.

İlk yarıda oyun meydanın mərkəzində daha çox cərəyan etsə də ikinci yarıda ssenari dəyişdi. Üstəlik, ilk yarıdan sonra komandamızda, 9 yeni oyunçu meydana daxil oldu. Osman Umarov, Mehran Əliyev, Əfran İsmayılov, Azər Məmmədov, Rauf Əliyev, Qoqa və İrakli Berayalar, Kənan Kərimov, Elçin Xəlilov tam 45 dəqiqə forma geydilərsə, meydan qalan Nodar, Hüseynin yerinə Telman Bayramov və Şain Zeynalov daxil oldular. Təzələrdən xüsusilə, Kənanın fəallığı çox keçmədən bəhrəsini verdi. Öncə oona qarşı edilmiş kobudluqdan sonra yerinə yetirilən cərimə zərbəsindən sonra Elçin topu başla tora göndərdi. Az sonra Kənana qarşı bu dəfə cərimə meydançasında kobud oynadılar. Və penaltini uzun müddətdi zədə ucbatından yaşıl sahələrə həsrət qalan İrakli dəqiq yerinə yetirdi. Geridə qalan yarım saat ərzində komandamız üstün olsa da hesab dəyişmədi.