“QARABAĞ” AĞDAMA YOLLANACAQ

“Qarabağ” komandası “İnter”lə oyundan sonra hazırlıqlarına dərhal start verib. Matçertəsi az və meydana çıxmayan futbolçular məşqə çıxıblar. Dünən  2 məşq keçən komanda bu gün cəmi bir hazırlıqla kifayətlənməli olub.

Məlum olduğu kimi, həftəsonu “Qarabağ” milli çempionatın XVIII turdan təxirə salınmış görüşdə “ABN-Bərdə”nin qonağı olacaq. Komandamız qeyd olunan matç üçün cümə günü səhər yola düşəcək.  Komandamız birbaşa Ağdama yollanacaq. Doğma rayonun Olimpiya İdman Kompleksində məskunlaşacaq komandamız bütün günü Ağdamda keçirəcək.  Oyun günü isə komanda Bərdəyə yollanacaq.

Komandada duruma gəlincə. Hüseyn İsgəndərovun ayağında təkrar müayinədən sonra çat olduğu müəyyənləşib. Belədə İsgəndərovun mövsümü erkən bitirdiyi deyə bilərik. Son oyunu zədə ucbatından buraxan Murad Ağakişyev və Qoqa Beraya baş məşqçimiz Rasim Kara şans verəcəyi təqdirdə Bərdə təmsilçisiylə oyunda komandası naminə tər tökmək imkanı əldə edəcək.