`Qarabağ` Ağdamda. Tam heyətlə...

`Qarabağ` premyerliqanın növbəti turunun hazırlıqlarını davam etdirir. Bazar günü keçirilən `Karvan`la mac sonrası Bakıya dönməyən komandamız birbaşa Ağdama yollanıb. Oktyabrın 30-unda `Xəzər-Lənkəran`ı qəbul edəcək komandamız oyun gününə qədər Quzanlıda qalacaq və hazırlıqlarını adı çəkilən rayonda davam etdirəcək.

Bu gün komandamızın bir məşqi nəzərdə tutulub. Saat 15:00-a təyin olunan məşq zamanı futbolçulardan sadəcə Rəşad Sadıqov iştirak etməyəcək. Sevindirici haldır ki, komandamızın digər zədəliləri artıq hazır vəziyyətə gəlib. Belə ki, premyerliqanın 2-ci turunda `Turan`la oyunda zədələnərək sıradan çıxan Emin İmaməliyev də artıq baş məşqçimiz Qurban Qurbanov şans verəcəyi təqdirdə yenidən formasına qovuşa biləcək. Eyni zamanda zədədən əziyyət çəkən komandamızın kapitanı Aslan Kərimov da artıq sıraya dönüb. Kapitanın cümə günü keçiriləcək oyunda meydana çıxması üçün heç bir problem yoxdur.