`Qarabağ` Antalyada

`Qarabağ` Futbol Klubu artıq Türkiyədədir. Hər zaman olduğu kimi qış fasiləsində yaranmış boşluqdan maksimum istifadə etmək üçün komandamız qardaş ölkəyə yollanıb. Bu gün səhər 05:15-də Bakı-İstanbul-Antalya reysiylə hərəkət edən komandamız yerli vaxtla saat 12:00-da Antalyaya qalacağımız `Santai İC` otelinə varid oldu. Nəzərənizə çatdıraq ki, komandamız ötən il də hazırlıq üçün adı çəkilən oteli seçmişdi.

39 nəfərlik heyətlə Türkiyəyə yollanan komandamızda 27 nəfər futbolçu yer alıb. Bakıdakı hazırlıq mərhələsinə  futbol konqresində iştirak səbəbiylə qatılmayan koordinatorumuz Mehmet Ak da Antalyada komandamıza qoşulub.

Komandamızın baş məşqçisi Qurban Qurbanov yol yorğunluğunu nəzərə alaraq bu gün üçün ola biləcək məşqi təxirə salıb. Axşam yeməyinə qədər futbolçuların fiziki durumunu nəzərə alaraq dəniz kənarında yüngül isinmə hərəkətlərinin baş tutması da istisna deyil.

Amma sabahdan etibarən komandamız gündə iki dəfə məşq keçəcək.

`Qarabağ`ımızın Antalyada keçirəcəyi 25 günlük təlim-məşq toplanışını bütün təfsilatıyla saytımızdan izləməyi unutmayın.