“Qarabağ” - “Araz-Naxçıvan”: 7-ci duel

“Qarabağ” mövsümün ikinci yarısının ilk oyununa yanvarın 23-də çıxacaq. Komandamız Misli Premyer Liqasının XIX turunda “Araz-Naxçıvan”la qarşılaşacaq.

Bu görüş turun son günündə baş tutacaq. Qurban Qurbanovun yetirmələri rəqibini Tofiq Bəhramov adına Respublika stadionuna qonaq edəcək.

Bu matç komandalar arasında Premyer Liqadakı 7-ci duel olacaq. Rəqiblər ilk dəfə 2000-ci ildə üz-üzə gəliblər.

Əvvəlki qarşılaşmalarda tərəflər hərəyə 3 dəfə qalib gəlib. Bu oyunlarda heç-heçə qeydə alınmayıb.

Top fərqində üstünlük “Qaraabğ”ın tərəfindədir. Komandamız 10 qol vurub, 8-ni buraxıb. Ağdam klubu indiyədək keçirilən görüşlərin hamısında qol sevinci yaşayıb.

“Qarabağ” öz meydanında xal itirməyib. Evdəki 3 matçda qələbələri sıralayan komandamız 6 qol vurub və yalnız bir top buraxıb.

Qeyd edək ki, “Qarabağ” - “Araz-Naxçıvan” oyunu yanvarın 23-də Tofiq Bəhramov adına Respublika stadionunda keçiriləcək. Matç saat 19:00-da başlayacaq.

05.08.2000. Qarabağ - Araz - 1:0

10.05.2001. Araz - Qarabağ - 2:1

14.10.2001. Araz - Qarabağ-Azərsun - 3:2

23.12.2001. Qarabağ-Azərsun - Araz - 3:0

20.08.2023. Qarabağ – Araz-Naxçıvan - 2:1

30.10.2023. Araz - Qarabağ - 2:1