`Qarabağ` artıq dünyanın ən güclü 250 klubu arasında!!!

`Qarabağ`ımızın uğurları davam edir. Cari mövsümə fırtına kimi başlayan komandamız dünya klubları arasında yüksəlməkdədir. Son ayda 3 qələbə qazanan komandamız Beynəlxalq Futbol Tarixi və Statistikası Federasiyası tərəfindən açıqlanmış yeni reytinq siyahısında `Qarabağ`ımız 249-cu pilləyə yüksəlib. Bu pillədə `Qarabağ`ımızla yanaşı `İspaniyanın `Sportinq`, Braziliyanın `Santos`, Fransanın `Loryan` klubları qərarlaşıb. Komandamızın son uğurları ötən ay qərarlaşdığı 262-ci pillədən 249-cu pilləyə yüksəlməsinə səbəb olub. Komandamızın Rusiyanın `Spartak`,  `Trabzonspor`, İngiltərənin `Blakbörn`, Fransanın `Soşo` klublarını da qabaqladığını qeyd edək.

Siyahıya əvvəlki tək `Mançester Yunayted` başçılıq edir. `Barselona`nı 3-cü sıraya göndərən `Çelsi` 2-ci yerdə qərarlaşıb.

Xatırladaq ki, dünyanın ən güclü 350 klubu arasında Azərbaycanı sadəcə  `Qarabağ` klubu təmsil edir.