“Qarabağ” Asen Nikolovu baxışa çağırır (çempion, 17.07.2006)

Bu gündən etibarən “Şəfa” stadionunda təlim-məşq toplanışına yığışacaq “Turan” Bakıda daha çox rəqiblə yoxlama oyunu keçirmək imkanı qazanacaq. Arttıq tovuzluların sınaqçı-rəqibləri də məlumdur. Belə ki, Sakit Alıyev yetirmələrini iyulun 20-də “Olimpik”lə, iyulun 26-da isə “Gənclərbirliyi ilə oyunda meydançaya çıxaracaq. Hələliksə komandanın hücumçu axtarışı davam edir. Gürcüstandan gəlmiş Robert Zirakişvilinin oyunu da rəhbərliyi qane etməyib və o, geri göndərilib. Maykl Semyon isə hələlik komandadadır. “Turan”ın mətbuat xidmətinin rəhbəri Rasim Əliyevin verdiyi məlumata görə, transferə çıxarılan komandanın yarımmüdafiəçisi Asen Nikolovun da yenidən kollektivə dönmək ehtimalı var. Asenin bu gün “Qarabağ”ın heyətində baxışda olacagı da istisna olunmur. Bunu da Rasim bəy bizim diqqətimizə çatdırdı: “ Nikolov Ağdam təmsilçisi ilə razılığa gələ bilməsə, “Turan”a dönəcək”.