"Qarabağ” Bakı çempionu adını qazanıb (son deqiqe, 04.10.2006)

Bakı Futbol Federasiyasının 16-19 yaşlı yeniyetmələr arasında təşkil etdiyi “Ümid” adlı paytaxt çempionatı başa çatmaq üzrədir. Yarışların son turunun nəticəsindən asılı olmayaraq artıq qızıl mükafatçı müəyyənləşib. “Təhsil” üzərində 9:0 hesablı qələbə qazanan “Qarabağ” klubu Bakı çempionu adına sahib çıxıb. Çempionatın gümüş və bürünc medallarının sahibləri oktyabrın 2-də keçiriləcək “Olimpik” – MOİK görüşünün nəticəsindən sonra bəlli olacaq. Bakı Futbol Federasiyasının vitse-prezidenti Məzahir Süleymanzadənin verdiyi məlumata görə, qalib komandalar oktyabrın 28-də Rəşid Behbudov adına Dövlət Mahnı Teatrında təşkil olunacaq tədbirdə mükafatlandırılacaqlar.