"QARABAĞ" BAKI ÇEMPİONUDUR !

Bakı Futbol Federasiyasının təşkil etdiyi Bakı Birinciliyinə yekun vurulmaq üzrədir. Yarışın əsasnaməsinə əsasən 1987-89-cu il təvəllüdlülərinin çıxış etməli olduğu yarışda "Qarabağ" komandası 1988-89-cu il təvəllüdlü perspektivli gənclərlə bu yarışa qoşulmuşdu. Son turlara qədər gərgin mübarizə şəraitində keçən çempionatda "Qarabağ" BAKI ÇEMPİONU oldu. Bu nailiyyət komandamızın "Təhsil" komandası üzərində çempionluğa layiq 9:0-lıq qələbə və turnir cədvəlində yaxın izləyicimiz "Olumpik" komandasının "Neftçi" İSM-lə 1:1-lik heç-heçəsindən sonra rəsmiləşdi. İkinci yerə isə "Olimpik"-"MOİK" cütünün qalibi təltif olunacaq. Qaliblərin mükafatlandırma mərasimi oktyabrın 28-nə təyin olunmuşdur. Çempion komandanın Baş Məşqçisi ELŞAD XUDADATOV: "Mən nailiyyətdə əməyi olan hər kəsə öz dərin təşəkkürümü bildirirəm. Əsas isə, klubun rəhbərliyinə maddi və mənəvi dəstəyə görə, yaratdığımız komandanın uğuruna sona qədər inandığına görə minnətdaram.