"QARABAĞ" BAKIDA . . .

"Qarabağ" Futbol Klubu 27 iyuldan başladığı səfərinə bu gün yekun vurdu. 14 günlük Türkiyədəki təlim məşq prosesi sonrası UEFA kubokunun ilkin təsnifat mərhələsində "Zimbru" matçı üçün 10 iyulda Kişinyova yollanan komanda 13 iyulda UEFA matçı keçirdi. "Qarabağ" Azərbaycan futbolu tarixində ilk dəfə UEFA kubokunda səfərdən xalla dönərək bir ilkə imza atdı. Bununla həm də "Qarabağ" Azərbaycan tarixində UEFA kubokunda mərhələ adlayaraq daha bir ilkə imza atmağa çox yaxınlaşdı. Bu gün erkən səhər saatlarında komanda Bakıya döndü. Yüksək əhval ruhiyyə ilə Kişinyovdan ayrılan klub üzvləri 27 iyulda tarix yazacaqlarına çox inamlıdırlar... Bakıda iki gün istirahət edərək 17 iyuldan cavab matçının hazırlıqlarına start veriləcək. Hazırlıqlar Bakıda keçiriləcək.