"Qarabağ" - BATE : Mətbuat konfransı və son məşqlər

Çempionlar Liqasının III təsnifat mərhələsinin ilk matçları çərçivəsində baş tutacaq "Qarabağ" - BATE (Belarus) qarşılaşmasından öncə keçiriləcək mətbuat konfransları və oyunöncəsi son məşqlərin vaxtı bəlli olub. 

Rəqib komandanın baş məşqçisi avqustun 6-sı saat 18:30-da Tofiq Bəhramov adına Respublika stadionunun mətbuat zalında jurnalistlərin suallarını cavablandıracaq. BATE-nin oyunöncəsi son məşqi isə saat 19:00-da qarşılaşmanın keçiriləcəyi stadionda baş tutacaq. 

Baş məşqçimiz Qurban Qurbanov isə "Azərsun Arena"nın mətbuat zalında saat 20:00-da media mənsublarının önünə çıxacaq. Komandamızın son məşqi isə saat 20:15-də Suraxanı qəsəbəsində yerləşən klubumuzun bazasında baş tutacaq. Məşqin ilk on beş dəqiqəsi mətbuat və azarkeşlər üçün açıq olacaq.

QEYD: Klub tərəfindən ayrılmış avtobus media mənsublarını saat 19:20-də Tofiq Bəhramov adına Respublika stadionundan "Azərsun Arena"ya aparacaqdır və komandamızın məşqindən sonra yenidən Respublika stadionuna qaytaracaqdır.