"QARABAĞ" BƏZİ FUTBOLÇULARLA YOLLARINI AYIRDI !

"Qarabağ" Futbol Klubu XV Azərbaycan Çempionatının ilk dövrəsindən sonra layiq olmadığı 9-cu yeri tutmaqla çempionatda məqsədə gedən yolunu bir qədər çətinləşdirdi. Kubok mücadiləsindən də erkən ayrıldıqdan sonra bir sıra dəyişikliklər qaçılmaz oldu. Bu səbəbdən komanda rəhbərliyi ilk növbədə Türkiyəli Futbol mütəxəssisi Rasim Karanı məşqçilik postuna təyin etdi. Məhz bundan sonra ikinci dövrənin hazırlığına başlandı... İlk dövrənin yekunlarının analizindən sonra Baş Məşqçi bəzi futbolçularla yollarını ayırmaq qərarına gəldi. Bunlar aşağıdakılardır: 1. Slobodan Sladoyeviç 2. Xaliq Mərdanov 3. Vasif Haqverdiyev 4. Ramiz Hüseynov 5. Elmir Xankişiyev 6. Müşviq Hüseynov 7. Mübariz Orucov Bundan başqa Klub Rəhbərliyi komandada qalmaq istəməyən futbolçu olarsa, onunla da yollarını ayırmağa hazırdır və futbolçuya bu mövzuda hər cür köməklik ediləcək.