“Qarabağ” - “Braqa” oyununun hakimləri müəyyənləşdi

UEFA Avropa Liqasının pley-off mərhələsinin cavab oyunları çərçivəsində keçiriləcək “Qarabağ” - “Braqa” (Portuqaliya) matçının təyinatları açıqlanıb. Fevralın 22-də Tofiq Bəhramov adına Respublika stadionunda baş tutacaq görüşə Bolqarıstandan olan ədalət təmsilçiləri təyinat alıblar. 
 
Qarşılaşmanı Georgi Kabakov idarə edəcək. Martin Marqaritov və Diyan Valkov oyunun baş hakiminin köməkçiləri olacaqlar. Nikola Popov dördüncü hakim funksiyasını yerinə yetirəcək.
 
Qeyd edək ki, fevralın 22-də Tofiq Bəhramov adına Respublika stadionunda keçiriləcək “Qarabağ” - “Braqa” görüşü saat 21:45-də başlayacaq.
 
UEFA Avropa Liqası
Pley-off, cavab oyunu
22 fevral
21:45. “Qarabağ” - “Braqa”
Baş hakim: Georgi Kabakov
Baş hakimin köməkçiləri: Martin Marqaritov, Diyan Valkov
Dördüncü hakim: Nikola Popov
VAR: İvaylo Stoyanov
AVAR: Draqomir Draqanov (hamısı Bolqarıstan) 
Hakim-inspektor: Petteri Kari (Finlandiya)
Tofiq Bəhramov adına Respublika stadionu