QARABAĞ DERBİSİ

Artıq qələbə qazanmaq anı yetişdi. Sabah, 17:30-da baş tutacaq görüşdə “Qarabağ” Futbol Klubu Bakıxanovdakı İsmət Qayıbov adına stadionda qəbul edəcəyi “ABN-Bərdə”ni məğlub edərək uğursuzluq sindromuna son qoymağı planlaşdırır. Üstəlik, Bərdə klubu komandamız üçün hər zaman “asan tikə” təsiri bağışlayıb. Belə ki, indiyə kimi milli çempionatlar çərçivəsində baş tutan 10 Qarabağ derbisində klubumuz 8 dəfə qələbəyə sevinib. Bərdəlilər isə cəmi 1 dəfə meydandan gülərüz ayrılıb. Maraqlıdı ki, yeganə məğlubiyyətimiz ilk mövsümdə qeydə alınıb(1:2). Belə götürdükdə, düz 15 ildi Bərdə klubuna yenilmirik. Eyni  zamanda ardıcıl 8 qələbə qazandıqdan sonra bərdəlilərin eiltadakı son mövsümündə rəqibə xal vermişik (0:0).Top fərqinə gəlincə, burada da komandamızın böyük üstünlüyü nəzərə çarpır. Buraxılmış 3 qola qarşı 17 top.

Bir daha xatırladırıq ki, oyun 16.09.2007 tarixində saat 17:30-da keçiriləcək. Bütün azarkeşlərimizi komandamızın ilk qələbəsini bir yerdə qeyd etməyə dəvət edirik.