`Qarabağ` derbiyə hazırdır

`Qarabağ` artıq hazırdır. Sabah komandamız derbidə `Bakı`nın qonağı olacaq. Komandamız bu gün macöncəsi sonuncu hazırlığənə keçib. Suraxanı qəsəbə stadionunda baş tutmuş çalışma 1 saat davam edib. Komandamızın bu ciddi sınaq öncəsi 2 itkisi var. Emin İmaməliyevin artıq 2-ci həftədir komandandan uzaq düşsə də, 2 gün öncə `Qəbələ` ilə oyunda əzələsi yırtılan Rəşad Sadıqov təxminən 1 ay sahələrdən uzaq düşəcək. Ötən mövsüm rəqiblər 4 dəfə üz-üzə gəliblər: 2 dəfə kubokda, 2 dəfə isə çempionatda. Maraqlıdı ki, hər 2 halda eyni nəticə qeydə alınıb. Çempion hər 2 oyunda 2:0 hesabıyla qalib gəlib. `Qarabağ`ımız isə ölkə kubokunun yarımfinal mərhələsində 2:1 hesablı qələbələrlə kubokun yolunu tutub. Xatırladaq ki, oyun sabah 16:15-də Tofiq Bəhramov adına respublika stadionunda keçiriləcək və AZTV-də canlı olaraq yayımlanacaq.