"Qarabağ" - "Dundalk": Mətbuat konfransları və son məşqlər

single-news
29 İyl 2019

"Qarabağ" - "Dundalk": Mətbuat konfransları və son məşqlər



Çempionlar Liqasının II təsnifat mərhələsinin cavab matçları çərçivəsində baş tutacaq "Qarabağ" - "Dundalk" (İrlandiya) qarşılaşmasından öncə keçiriləcək mətbuat konfranslarının vaxtı bəlli olub. İyulun 30-da "Azərsun Arena"nın mətbuat zalında baş məşqçimiz Qurban Qurbanov saat 18:15-da media mənsublarının önünə çıxacaq. Komandamızın son məşqi isə saat 18:30-də Suraxanı qəsəbəsində yerləşən klubumuzun bazasında baş tutacaq. Məşqin ilk on beş dəqiqəsi mətbuat və azarkeşlər üçün açıq olacaq.

"Dundalk"ın baş məşqçisi isə saat 19:30-da "Dalğa Arena"nın mətbuat zalında jurnalistlərin suallarını cavablandıracaq. İrlandiya təmsilçisinin son məşqi isə saat 20:00-da qarşılaşmanın keçiriləcəyi stadionda baş tutacaq.

QEYD: Qeydiyyatdan keçmiş KİV nümayəndələri iyulun 30-u, saat 14:00-dan 17:00-a qədər akkreditasiyalarını Tofiq Bəhramov adına Respublika stadionunun media mərkəzindən, saat 17:45-dan 18:15-ə qədər isə "Azərsun Arena"nın mətbuat konfransı otağından edə bilərlər.

QEYD: Klub tərəfindən ayrılmış avtobus iyulun 30-u, saat 17:15-də media mənsublarını Respublika stadionundan "Azərsun Arena"ya, 18:50-də isə "Azərsun Arena"dan "Dalğa Arena"ya aparacaqdır. 

Paylaş