"Qarabağ" əvəzedicilərinə aman vermədi (xazar.info.11.09.2007)

Məlum olduğu kimi, müxtəlif yaş qruplarında millilərin rəsmi oyunlarıyla əlaqədar ölkə birinciliyində fasilə elan olunub.
Yığma komandalara ən çox futbolçu göndərən klub - "Qarabağ" düşərgədəki say azlığına rəğmən, hazırlığını davam etdirir. Belə ki, əsas milliyə 2, U-21-ə 4, U-19-a 9, U-17-ə isə 2 oyunçu göndərilib. Bu eyni zamanda həm əsas, həm də 1-ci dəstədə çıxış edən "Qarabağ-2"-yə də təsir göstərib. Ümumilikdə, 17 futbolçusunun xidmətindən istifadə edə bilməyəcək komandalar dünən yoldaşlıq matçı keçiriblər. Tofiq İsmayılov adına Suraxanı qəsəbə stadionunda baş tutan qarşılaşma 7:0 nəticələnib. Rasim Karanın komandasından İsaak Pupa dubla imza atdığı halda, digər qollar Viktor İbekoyi, İrakli Beraya, Kənan Kərimov, Murad Ağakişiyev və Şəhriyar Xəlilovdan gəlib.