`Qarabağ` final üçün hazırdır

`Qarabağ` artıq final üçün hazırdır. Sabah 16:00-da Azərbaycan kubokunun yarımfinal mərhələsinin cavab mərhələsində `Bakı`nı qəbul edəcək komandamız artıq hazırlıqlarını bitirərək oyun saatını gözləməyə başlayıb. Mayın 3-ündə `İnter`lə keçirilmiş oyundan sonra Ağdamda qalan komandamız hazırlıqlarını eyni adlı məkanda davam etdirir. Günün yeganə çalışması 16:30-da baş tutub. Təxminən 1 saat davam edən çalışma şən əhval-ruhiyyədə davam edib. 

İlk oyunda rəqibi səfərdə 2:1 məğlub edən komandamız cavab görüşündə 16 illik fasilədən sonra ilk qələbəsini qazanmaq istəyir. Nəzərinizə çatdıraq ki, komandamızda sadəcə 2 itki var. Zədəli olan Zaur Həşimovla xəstə olan Rəşad Sadiqov böyük ehtimalla sabah baş tutacaq oyunda iştirak etməyəcək. Əvəzində son matçı cəza səbəbindən buraxan Elnur Allahverdiyev baş məşqçi şans verəcəyi təqdirdə komandasına yardım edə biləcək.

Komandamız `Bakı`yla oyundan elə Ağdamdaca 3 gün sonra baş tutacaq `Xəzər-Lənkəran`la oyunun hazırlıqlarına başlayacaq.