“QARABAĞ” FİNALDA ! ! !

Azərsun Holding və “Qarabağ” Futbol Klubunun təşkilatçılığı ilə keçirilən “Həmrəylik turniri başa çatmaq üzrədir. Bu gün Kubokun yarımfinal oyunları keçirildi və bununla finalçılar müəyyənləşdi.
İlk olaraq meydana “Cross Caspian” və “Qarabağ Texniki heyət” komandaları çıxdılar. İlk dəqiqələrdən maraqlı mübarizə şəraitində keçən oyun daha təcrübəli “Qarabağ” komandasının qələbəsi ilə başa çatdı. 5:1 hesabı ilə başa çatan yarımfinalda Yaşar Hüseynov 4 topa imza ataraq bombardirlik mübarizəsini daha da qızışdırdı. 16 qolla bombardirlik yarışında 3-cü yerdə olan Yaşar Hüseynov qol sayını 20-yə çatdırdı. Bombardirlik yarışında isə 20 qolla Anar heydərov (Karton Tara) lider idi. 2-ci yeri 18 qolla Ahmet Adıgüzel tuturdu. Matçda maraqlı olan daha bir hadisə “Qarabağ” Futbol Klubunun Baş Məşqçisi Rasim Karanın bu oyunda da meydana çıxarq komandasının bir qolunun müəllifinə çevrilməsi idi....
Yarımfinalın 2-ci qarşılaşması daha gərgin mübarizə şəraitində keçdi. “Ruslan 93” və “Karton Tara” komandaları arasında keçirilən bu oyunda hesabı “Karton Tara” komandası açdı. Qolun müəlllifi özünün 21-ci qoluna imza atmış Anar Heydərov oldu. “Karton Tara” komandasının taym-aut götürməsi rəqib komandaya daha düşərli oldu ki, bu da hesabda öz əksini tapdı- ilk hissə 2:1 hesabı ilə “Ruslan 93” komandasının xeyrinə başa çatdı. İkinci hissəə başlayan kimi Ruslan 93 komandası daha 2 dəfə rəqibi metdana mərkəzdən başlamağa məcbur etdi. Amma “Karton Tara” komandası da xarakter göstərərək bu 2 qolun əvəzini çıxdı və hesab arasındakı fərqi minimuma qədər azaltdı - 3:4. Amma irəli atılan “kartonçu”lar qapılarında daha bir top görüncə finalçı müəyyənləşdi.
Beləliklə, 05.05.2007-ci il tarixində,saat 17:00-da keçiriləcək Final oyununda “Qarabağ” və “Ruslan-93” komandaları, ondan 2 saat əvvəl – saat 15:00 –da keçiriləcək 3-cülük yarışında isə “Cross caspian” və “Karton Tara” komandaları qarşılaşacaqlar.