"QARABAĞ" GƏNCLƏRİ ÇEMPİONLUĞUN BİR ADDIMLIĞINDA...

Bakı Futbol Federasiyasının 1987-89-cu il təvəllüdlülər arasında keçirdiyi "Ümid" paytaxt birinciliyində 13-cü turuna start verildi... Bir tur əvvəl lider "Olimpik"lə mübarizədən qalib ayrılmış (2:1) "Qarabağ" gəncləri bu turda daha bir iddialı MOİKlə qarşılaşmadan da üzüağ çıxmalı idi. Komandamız bunun da öhdəsindən gələrək çempionluq şanslarını böyük ölçüdə artırmış oldu. Belə ki, aralarındakı bir xallıq fərqi aradan qaldırmaq və turnir cədvəlində liderliyə yükəlmək üçün "Qarabağ"lılar MOİK-i də yenməli idilər ki, bunu da bacardılar. 2:1 hesabı ilə başa çatan oyunda komandamızdan topların hər ikisini Rauf Babayev keçirdi. Bununla da bir tur qalmış komandamız 29 xalla liderliyə yüksəldi. Lakin ikinci yerdə olan "Olimpik"in 27 xalı olsa da, bir eytiyat oyunu qalmaqdadır. "Qarabağ" yeniyetmələrinə qarşıdakı oyunda da uğurlar arzulayırıq.