"Qarabağ" gözünü Sadıqova dikib? (FUTBOL+, 20.12.2005)

Hazırki baş məşqçisi Elxan Abdullayevlə yollarını ayıracağı deyilən "Qarabağ"ın Kazbek Tuayevlə maraqlanması haqda söz-söhbət gəzirdi. Amma dünən etirbarlı mənbədən aldığımız xəbərə görə demək olar ki, Ağdam klubu Tuayev variantını arxa plana keçirib. Əvəzində klub rəsmilərinin millinin sabiq çalışdırıcısı Vaqif Sadıqova göz dikdiyi deyilir. Hazırda işsiz olan Vaqif bəyin ölkənin ən tanınan klubularından biri olan "Qarabağ"la işbirliyi qura biləcəyi əslində inandırıcıdı. Lakin Sadıqov bizimlə söhbətdə adıçəkilən klubdan heç bir təklif almadığını, deyilənlərin sadəcə, söz-söhbət olduğunu bildirdi: "İnanın ki, heç bir təklif almamışam. Amma bilirəm ki, ortada müəyyən söz-söhbət gəzir. Əvvəl də demişəm, elə bir klubda işləmək istəyirəm ki, orda ideyalarımı həyata keçirə bilim. Hazırda isə hələlik heç bir klubdan dəvət almamışam".