`Qarabağ` hazırdır...

`Qarabağ` artıq Avroliqanın play-off mərhələsinə hazırdır. Bu gün komandamız macöncəsi sonuncu hazırlığını keçirib. Lakin bu heç də sonuncu məşq deyil. Belə ki, sabah komandamız 10:30-da yüngül çalışmayla kifayətlənəcək. İndi isə məşq barəsində. Komandamız oyunun keçiriləcəyi vaxtda, 20:00-da arenasına qədəm qoydu. Buna qədər isə komandamızın baş məşqçisi Qurban Qurbanov 19:30-da jurnalistlərin önünə çıxdı (bu haqda başqa xəbərdə oxu). Komandamıza marağın yetərincə olduğunu qeyd edək. Belə ki, məşqi yetərincə yerli media mənsubları izlədi. Təxminən 1 saat davam edən çalışmada Emin İmaməliyev komandadan ayrı çalışsa da, cəzası səbəbindən macı buraxmalı olacaq Elnur Allahverdiyev komandayla birgə çalışdı. Komandamızda meydana çıxmayacaq Rəşad Sadıqov, Elnur Allahverdiyev və Emin İmaməliyevin yerinə müvafiq olaraq Zaur Həşimov, Ayxan Abbasov və Əfran İsmayılovun meydana çıxacağı gözlənilir.