“Qarabağ” hazırlığa start verir

“Qarabağ” sabah mövsümün ikinci yarısının hazırlığına start verəcək. Misli Premyer Liqasının XVIII turunun “Zirə” ilə oyunundan sonra istirahətə buraxılan komandamız Bakıda bir araya gələcək.

Qış təlim-məşq toplanışımız paytaxtda baş tutacaq. Hazırlıq çərçivəsində bir yoxlama oyunu keçiriləcək. Komandamız “Zirə” ilə görüşəcək. Bu matç yanvarın 15-də təşkil olunacaq.

Qeyd edək ki, Premyer Liqanın XIX turunun oyunları yanvarın 21-23-də keçiriləcək. Komandamız evdə “Araz-Naxçıvan”la qarşılaşacaq.