`Qarabağ` - `İnter`. Bütün rəqəmlərlə

Premyerliqanın final mərhələsinin 2-ci dövrəsi start götürür. `Qarabağ`ımız 10 turluq marafonun 6-cı pilləsində `İnter`i qəbul edəcək.

Bazar günü baş tutacaq `Qarabağ` - `İnter` dueli sayca 32-ci olacaq. Bura `İnter`in sələfi olan `Xəzər Universiteti`ylə keçirdiyi oyunlarla birlikdə çempionat və kubok görüşlərinin cəmi nəzərdə tutulub. Çempionatda 26, kubokda isə 5 görüş baş tutub. Çempionatda baş tutan görüşlərdə komandamızın minimal üstünlüyü var. 10 qələbə qazandığımız halda 9 dəfə meydanı məğlub tərk etmişik. 7 oyunda isə 3 xala sevinən olmayıb. Top fərqinə gəlincə, 27 qola qarşılıq 20 dəfə qapımızda top görmüşük.

Kubokda isə 5 dəfə qarşılaşmışıq. Hərəyə 2 dəfə qələbə qazanan tərəflər 1 dəfə heç-heçəyə razılaşıblar.

Qısaca cari mövsümə nəzər salaq. Cari mövsüm ilk oyunda Şəfada `bankir`lərə məğlub olmuşuq. Dekabrın 4-ündə Suraxanıda baş tutan cavab görüşündə komandamızdan Rauf Əliyevin vurduğu qol revanşı gətirib.

Martın 12-i isə premyerliqanın final mərhələsinin ilk turunda tərəflər yenə Şəfada qarşılaşıb. Yenə Rauf hesabı açıb, ardınca Adamiya 2:0-lıq qələbəmizi rəsmiləşdirib.

`Qarabağ` - `İnter` arasında baş tutan bütün oyunların nəticələrini diqqətinizə təqdim edirik.

Cempionat

99-2000   0:0, 2:0

00-01     3:0, 0:0

01-02     2:1, 1:2, 1:1

03-04     3:1, 2:0

04-05     3:1, 0:1

05-06     0:2, 1:0

06-07     0:1, 0:1

07-08     0:1, 0:1

08-09     1:1, 1:1

09-10     1:0, 1:2, 1:1, 1:1

10-11     0:1, 1:0, 2:0, 

Kubok

2004-2005 1:0, 0:2 1/8 final

2007-2008 2:2, 0:1 1/8 final

2008-2009 1:0          final

Qeyd: Bu araşdırma `Qarabağ` Futbol Klubu mətbuat xidmətinə məxsusdur. İstifadə zamanı istinad zəruridir..