"QARABAĞ" - "MASALLI". STATİSTİKA

Həftəsonu Azərbaycan Premyer Liqasının XVI turunun oyunları baş tutacaq. Bu tur çərçivəsində “Qarabağ” öz meydanında Masallının eyni adlı komandasını qəbul edəcək. “Masallı” ilə mücadiləmiz şənbə günü saat 15:00-da baş tutacaq. Bu il “Qarabağ” və “Masallı” komandaları cəmi bir dəfə üz-üzə gəliblər. Bu oyun zamanı ərazi üstünlüyü bütovlükdə “Qarabağ”da olsa da ikinci yarının əvvəlində “Masallı”nın vurduğu təsadüfi qol nəticəsində komandamız məğlubiyyətə uğradı. “Qarabağ” və Masallının digər təmsilçisi olan “Viləş” komandası ilə oyunların statistikası aşağıdakı kimidir:

1993-cü il ilk oyun 2:1 “Qarabağ”ın qələbəsi ilə başa çatdı. Cavab qarşılaşmasında isə komandalar meydanda sülh bağladılar. 1993/94-cü il “Qarabağ” Masallı təmsilçisini 5:0 hesabı ilə darmadağın etdi. İkinci qarşılaşmada isə komadalar hərəyə bir xal qazandı.0:0.

1994/95-ci il mövsümündə isə yenidən “Qarabağ”ın bir qələbəsi və bir heç-heçə qeydə alındı. 1995/96-cı ildə baş tutan qarşılaşmaların hər ikisi “Qarabağ”ın qələbəsi ilə başa çatdı.1996/97-ci mövsümündə yenidən iki qələbə. 2:0, 2:1. 1997/98 ci il komandalar ilk oyunda hərəyə bir xal qazansalar da, cavab qarşılaşmasında “Qarabağ” öz ənənəsinə sadiq qaldı. 3:0. 1998/99-cu ildə ilk oyunda Masallı təmsilçisi çoxdan gözlənilən qələbəni qazanmağa müvəffəq oldu. Lakin komandamız bu məğlubiyyətin əvəzini artıqlaması ilə çıxdı. 3:1. 1999/00 və 2000/01 ci illər mövsümündə ilk qarşılaşmalar heç-heçə ilə başa çatsa da cavab qarşılaşmaları rəqibin qələbəsi ilə yadda qaldı.