“Qarabağ” millinin daha 2 futbolçusunu heyətinə qatacaq? (qol.az, 17.06.2009)

Vüqar Nadirov və Cəmşid Məhərrəmovun ardından daha 2 yerli futbolçunun “Qarabağ”a keçəcəyi barədə xəbərlər yayılıb. Qol.Az-ın əldə etdiyi məlumata görə, Ağdam klubu milli komandamızın və “İnter”in iki oyunçusu - Cavid Hüseynov və Elvin Məmmədova da yaxından maraq göstərir. Hər iki oyunçu “bankirlər”in heyətində çox oynamağa imkan tapmadıqlarından, onların klubunu dəyişmələri real görünür.