QARABAĞ - MOİK (HET TRİK, 28.04.2006)

Çox güman "Qarabağ"ın baş məşqçisi Böyükağa Ağayev autsayderlə oyunda əvəzedici heyətin üzvlərini sınaqdan keçirəcək. Çünki bu qarşılaşmadan üç gün sonra Ağdam klubu ölkə kuboku yarımfinalının cavab oyununda "Neftçi"ni qəbul edəcək. Ordu klubuyla matçda zədə alan və ya cəzalanan futbolçu kubok oyununu buraxa bilər ki, bu da meydan sahibləri üçün böyük itki ola bilər. Aslan Kərimovun oynamayacağı isə dəqiqdir. Çünki kapitanın aktivində üç sarı vərəqəsi var. Növbəti sarı onun "Neftçi"ylə oyuna çıxmasına əngəl olduğundan, baş məşqçi Kərimova istirahət verəcək. "Hərbçilər"ə gəlincə, onların arasında cəzalı və ya zədəli futbolçu yoxdur.