“Qarabağ” – “Molde” oyununun hakimləri müəyyənləşdi

UEFA Avropa Liqasının qrup mərhələsinin I turu çərçivəsində keçiriləcək “Qarabağ” – “Molde” (Norveç) oyununun təyinatları açıqlanıb. Sentyabrın 21-də Tofiq Bəhramov adına Respublika stadionunda baş tutacaq matça Şotlandiyadan olan ədalət təmsilçiləri təyinat alıb.

Qarşılaşmanı Con Beaton idarə edəcək. Daniel MakFarlan və Duqlas Potter görüşün baş hakiminin köməkçiləri olacaqlar. Metyu MakDermid dördüncü hakim funksiyasını yerinə yetirəcək.

Qeyd edək ki, sentyabrın 21-də Tofiq Bəhramov adına Respublika Stadionunda keçiriləcək “Qarabağ” – “Molde” görüşü saat 20:45-də başlayacaq.

UEFA Avropa Liqası

I tur

21 sentyabr

20:45. “Qarabağ” – “Mölde”

Baş hakim: Con Beaton

Baş hakimin köməkçiləri: Daniel MakFarlan, Duqlas Potter

Dördüncü hakim: Metyu MakDermid

VAR: Nikolas Valş

AVAR: Steven MakLean

Tofiq Bəhramov adına Respublika stadionu