“QARABAĞ” – “NEFTÇİ” HAQQINDA....

Bir neçə gün sonra Azərbaycanda önəmli derbilərdən olan “Qarabağ – “Neftçi” matçı baş tutacaq. “Qarabağ”la “Neftçi” arasındakı çempionat mücadiləsi  daim öz rəngarəngliyi ilə seçilib. İndiyə kimi 15 çempionatda qarşı qarşıya gələn tərəflər nə az nə çox düz 33 oyunda münasibətlərə aydınlıq gətirməyə çalışıb. Bu oyunların balansında komandamızın 8 qələbəsi gözə çarpır. “Neftçi” isə 11 dəfə qələbəni bayram edib. Top fərqinə gəlincə, 26 dəfə rəqib topu qapıdan çıxarmağa məcbur olsa da, komandamız 36 dəfə eyni işi görməli olub. İlk dəfə rəqibimizlə 1992-ci ildə qarşılaşmışıq. O zaman ilk matçda bərabərə qalsaq da, cavab görüşündə ilk qələbəni qazanmışıq. Növbəti 3 çempionatda rəqibə qələbə sevinci yaşamağa izin verməmişik. Bakılılar ilk dəfə 1994-1995 mövsümündə 3:2-lik qələbə qazanıblar. Ötən mövsümə gəlincə, səfərdə rəqiblə qolsuz bərabərliyə razılaşsaq da, evdə 0:2-lik məğlubiyyət qeydə alınıb.

Cari birincilikdə isə Noyabrın 21-i baş tutub. Tofiq Bəhramov adına stadionda baş tutan görüşdə hesab açılmayıb.

Kubokda isə 10 dəfə münasibətləri aydınlaşdırmalı olmuşuq. Bu dəfə qələbə sayında rəqibi minimal sayda üstələsək də, top fərqi “Neftçi”nin xeyrinədir:6:9.

QARABAĞ - NEFTÇİ

ÇEMPİONATLARDA

Çempionat  Oyun  Qələbə  Heç-hecə  Məğlubiyyət  Top fərqi

15           33       8       14        11         26-36

KUBOKLARDA

Kubok      Oyun  Qələbə  Heç-hecə  Məğlubiyyət  Top fərqi

6           10       4       3          3          6-9