"QARABAĞ" - "NEFTÇİ"... STENOQRAM

Bu gün saat 17:00-da T.İsmayılov adına Suraxanı qəsəbə stadionunda hamının maraqla gözlədiyi derbi baş tutdu. Stadionda çox möhtəşəm abu-hava var idi. Qarşılaşma hər iki komandanın qarşılıqlı hücumları ilə yadda qaldı. Oyunda baş verən hadisələri dəqiqəbədəqiqə nəzərinizə çatdırırıq:

1-ci dəqiqə - Oyuna "Qarabağ" başladı

2-ci dəqiqə - "Neftçi"nin ilk təhlükəli hücumu lakin top qapının yanından keçir

4-cü dəqiqə - Oyunda ilk sarı vərəqə. Kruqlovun Maksimə qarşı açıq-aşkar kobudluğuna görə hakim onu sarı vərəqə ilə cəzalandırır

7-ci dəqiqə - Oyun meydanın mərkəzində davam edir

9-cu dəqiqə - Maksim bir neçə müdafiəçilərdən sıyrılaraq topu komanda yoldaşına ötürə bilsə də Viktor topu qəbul etməkdə çətinlik çəkir

10-cu dəqiqə - "Qarabağ" oyunda ilk künc zərbəsini yerinə yetirir, rəqib müdafiəçilər dəqiq oynayır

11-ci dəqiqə - "Qarabağ" əks hücum təşkil edir. Lakin Kənan Viktorun ötürməsinə yetişə bilmir

12-ci dəqiqə - Bu dəfə "Neftçi" künc zərbəsini yerinə yetirir. Müdafiəçilərimiz topu uzaqlaşdırır

13-cü dəqiqə - "Qarabağ"ın növbəti hücumu. Qoqa topu qapıya göndərsə də top qapının yanından keçir 

15-ci dəqiqə - "Neftçi" təhlükəli hücum təşkil edir. Rəqib komandanın kapitanı müdafiəçilərimizi aldada bilsə də Fərhad komandanı qoldan xilas edir

17-ci dəqiqə - Nodara qarşı kobud oyun var. Hakim cərimə zərbəsi təyin edir

20-ci dəqiqə - Oyun meydanın mərkəzində davam edir

25-ci dəqiqə - Hesab dəyişməz olaraq qalır. 0:0

30-cu dəqiqə - "Qarabağ"ın növbəti hücumu... Kənan Muradın ötürməsinə çata bilmir

36-cı dəqiqə - Nodara qarşı yenə kobud oyun var və futbolçumuz yerdə qalır

38-ci dəqiqə - "Neftçi"nin növbəti hücumu... Müdafiəçilərimiz bu dəfə də dəqiq oynayır

41-ci dəqiqə - Maksim driblinqinin sonunda topu Viktora ötürsə də, hücumçunun zərbəsi dəqiq alınmır

45-ci dəqiqə - Rəqibin növbəti hücumu. Vadim Bareçin vurduğu zərbə qapıdan aralı keçir

İLK YARI BİTTİ... HESAB 0:0

48-ci dəqiqə - "Neftçi" cərimə zərbəsi yerinə yetirir. Subaşiçin zərbəsi qapıdan aralı keçir

50-ci dəqiqə - Oyun meydanın mərkəzində davam edir

53-cü dəqiqə - "Qarabağ"ın növbəti hücumu lakin rəqib müdafiəçilər dəqiq oynayır

54-cü dəqiqə - Vaqif Cavadov rəqib müdafiəçilərdən sıyrılaraq topa zərbə endirsə də zərbəsi istənilən kimi alınmır

57-ci dəqiqə - "Qarabağ"ın növbəti hücumu. Murad Ağakişiyevin asmasından sonra Viktor topu qapıya göndərsə də top qapıdan aralı keçir

59-cu dəqiqə - "Neftçi"nin növbəti hücumu. Adamiyanın vurduğu topu Fərhad çətinlik çəkmədən dəf edir

63-cü dəqiqə - Ayxan Abbasov cərimə meydançası daxilindən qapıya zərbə endirsə də top qapının üstündən keçir

64-cü dəqiqə - Ayxan Abbasov sarı vərəqə ilə cəzalanır

72-ci dəqiqə - Daha bir sarı vərəqə. Rəqib komandanın futbolçusu Branimir Subaşiç cərimə meydançası daxilində yalana əl atdığına görə sarı vərəqə ilə cəzalanır

75-ci dəqiqə - Daha bir sarı vərəqə. Bu dəfə hakim Vaqif Cavadovu sarı vərəqə ilə cəzalandırır

78-ci dəqiqə - "Qarabağ" növbəti künc zərbəsini yerinə yetirir. Lakin topu tora qovuşdurmaq bu dəfə də mümkün olmur

83-cü dəqiqə - Hakim kobud oyuna görə "Neftçi"nin qapısına cərimə zərbəsi təyin edir. Mamadoubanın vurduğu top qapıdan azacıq aralı keçir

87-ci dəqiqə - "Qarabağ"ın heyətində dəyişiklik. Baş məşqçi Kənan Kərimovu gənc hücumçu Rauf Əliyevlə əvəzləyir

90-cı dəqiqə - Hakim oyunun əsas vaxtına 3 dəqiqə əlavə edir

OYUN BAŞA ÇATDI... HESAB 0:0