`Qarabağ` Norveçə darmadağınla yollanır.3:0

`Qarabağ`ımız Türkiyədə sonuncu yoxlama oyununu da başa vurdu.
`Qarabağ`ımızın baş məşqçisi  hər oyunda olduğu kimi arsenalında olan bütün futbolçuların imkanından yararlandı. Aftandil Hacıyev məlum səbəblərdən forma geyinə bilmədi. Ayağında yüngül zədə olan Maksim Medvedevi isə texniki korpus risk qarşısında qoymadı. Bu dəfə isə Fərhad Vəliyevlə yanaşı  Admir Teli  sona qədər meydanda qaldı
`Qarabağ` ilk hissə: Fərhad Vəliyev, Rəşad Sadıqov, Admir Teli, Elnur Allahverdiyev, Maksim Medvedev, Aslan Kərimov (K), Rəşad Sadiqov, Emin İmaməliyev, Vaqif Cavadov, Elvin Məmmədov, Vüqar Nadirov.
`Qarabağ` 2-ci hissə: Fərhad Vəliyev, Admir Teli, Ayxan Abbasov, Qara Qarayev , Zaur Həşimov, Namiq Yusifov, Rauf Əliyev, Natiq Kərimi, Emin Mustafayev, Əfran İsmayılov,  Nsungu
Antalyaspor: Polat, Volkan, Musa, Georgi, Gökhan, Ali Zuttuni, Korhan, Edmilson, Cumali, Anderson, Veysel
Görüş komandamızın üstünlüyü ilə başladı. Topu saxlayaraq rəqibi topsuz hərəkət vetməyə vadar edən komandamız ilk real qol vəziyyətini 7-ci dəqiqədə yaratdı. Vaqif əla hərəkətlərə 2 müdafiəçini keçərək Nadirovu boş qapı qarşısında zərbə mövqeyinə çıxartdısa, hücumçu çətin olanı edərək topu qapının üstündən vurdu. 4 dəqiqə sonra Sadiqovun ötürməsiylə Elvin qapıçıyla təkbətək çıxsa da, qolkiperin aldatmaq istəyi baş tutmadı. Lakin 17-ci dəqiqədə nəhayət ki, qol istəyi reallaşdı. Ayxan – Aslan – Elvin kombinasiyasını sonuncu dəqiq zərbəylə tamamladı. 1:0. Qoldan sonra da hücumlarını davam etdirən komandamız 15 dəqiqə sonra yenidən qola sevindi. Nadirov qapıçıya şans vermədi. Buna qədər isə Cavadov qapıçıyla dueldən məğlub ayrılmışdı.
İkinci yarıda da topa hakim olan komandamız idi. Lakin yenə də qol imaknalarından yararlana bilməməyimiz diqqəti çəkdi. Sadəcə, 54-cü dəqiqədə Nadirov dublunu rəsmiləşdirdi. Vüqar bundan başqa ən azı 2 epizodda het-trik etməyə borclu idi. Raufun zərbəsini isə müdafiəçilər boş qapıdan çıxardı.
Beləliklə, komandamız `Antalyaspor`u 3:0 məğlub edərək Avroliqada `Rosenborq`la 16-sı baş tutacaq maca  darmadağınla yollanır.

Oyundan maraqlı anları FOTOQALAREYA bölümündə izləyə bilərsiniz...