“QARABAĞ” PATALYADA

“Qarabağ” Futbol Klubu 20082009 mövsümünün əsas hazırlıq dönəminə start verdi. İyulun ilk günündə komandamız Bakı – Ankara – Bakı reysiylə Türkiyəyə hərəkət etdi.  3 həftə qardaş ölkədə təlim-məşq toplanışı keçəcək komandamız  Bakı saatıyla 23:30 Esenboğa hava limanına yetişib. 26 nəfərlik heyəti “Qarabağ” FK direktoru Emrah Çelikel və baş məşqçi Rasim Kara qarşıladı. Komandamız Ankaranın səfalı bölgələrinin birində axşam yeməyi yedikdən sonra təlim-məşq toplanışının keçiriləcəyi Qızılcahamam bölgəsinə yollanıb. Ankaranın hava limanından təxminən 1 saatlıq məsafədə yerləşən Qızılcahama, qalacağımız “Patalya”ya çatdıqda Bakı saatıyla 03:00 idi.

Hoteldə komandanı hazırlıq işlərini həll etmək üçün Qızılcahama bir neçə gün öncə təşrif buyurmuş məşqçilər Mehmet Ak və Çetin Aykut qarşıladılar. Komandanın yorğun olduğunu nəzərə alan baş məşqçi Rasim Kara futbolçulara istirahət verdi. Belədə ilk  məşqimiz bu gün saat 18:00-a təyin olundu.

“Qarabağ” Futbol Klubunun rəsmi saytında komandamızın təlim-məşq toplanışını bütün təfsilatıyla izləməyi unutmayın. Komandamıza gələn legionerlər, yoldaşlıq oyunları haqqında saytımız mütəmadi olaraq yenilənəcəkdir. Saytımızı izləməyi unutmayın...