"QARABAĞ" "QARA"LARI MƏĞLUB ETDİ (HET-TRİK, 25.11.2005)

"Qarabağ" ötən çempionatda birinci yer uğrunda mübarizə aparsa da, hazırda yarışın ortabablarından sayılır. Ağdam təmsilçisi sabah ordu stadionunda MOİK-ə uduzarsa, hətta autsayderlər qrupuna düşə bilər. Elxan Abdullayevin komandası matça qaradərili həvəskar əcnəbilərdən ibarət kollektivə qarşı yoxlama görüşü keçirməklə hazırlaşır. Dünən Buzovna qəsəbə stadionunda baş tutan oyun "Qarabağ"ın üstünlüyü ilə keçib. Hesab ilk yarıda açılıb. sergey Kravçenko Samir Musayevin ötürməsindən sonra fərqlənib. Baş Məşqçi Elxan Abdullayev ikinci hissədə bir çox gənclərə oynamaq imkanı yaradıb. Onlar özlərini yalnız yaxşı tərəfdən göstəriblər. "Qarabağ"ın daha bir neçə fərqlənmək imkanı olsa da, elita təmsilçisi şanslardan yararlanmayıb.