“Qarabağ” qələbə üçün gedir

“Qarabağ” Futbol Klubu Azərbaycan çempionatının növbəti turu çərçivəsində “Şahdağ”la görüşmək üçün sabah Qusara yola düşür. İntensiv çalışmalarla günü başa vuran klubumuz artıq matça hazırdır. İkinci dövrənin ilk maçında şanssız sürətdə “Karvan”a məğlub olan “Qarabağ” Qusar klubunu mığlub edərək çıxışa keçmək istəyir. Bunu futbolçuların sözlərindən də sezməmək mümkün deyil. Klubumuzun hər bir üzvü qələbədən başqa heç nəyi düşünmür. Aslan Kərimov, kapitan: “Düzünü desəm, rəqiblərimizin kimliyi bizi heç də maraqlandırmır. Kiminlə qarşılaşmağımızdan asılı olmayaraq, meydana sadəcə, qələbə üçün çıxırıq. İnanırıq ki, sonda üç xalı qazanan biz olacağıq.” Hakan Demir, yarımmüdafiəçi: “Əsas hədəfimiz qələbə qazanmaqdır. Zənnimcə, bunun öhdəsindən gələ biləcəyik. Komandamızda qələbə üçün hər cür şərait yaradılıb.” Kənan Kərimov, hücumçu: “İnanın ki, bütün fikrimiz qələbə qazanmaqdır. Başqa bir şey fikirləşə bilmirik. Allahın köməyilə, ikinci dövrədə ilk 3 xalımızı qeyd edəcəyik. “ Cahangir Həsənzadə, qapıçı: “Karvan”a uduzduqdan sonra mütləq bu oyunda qələbə qazanmalıyıq. Komandada əla əhval-ruhiyyə hökm sürür. Udmaqdan başqa şansmız yoxdu.” Tayfun Gürsel, məşqçi: “Bilirəm ki, uduzmayacağıq. Qələbə qazana bilməsək də ən azından bir xalı əldə edəcəyik. Ötən tur “Karvan”la görüşdə hakim təmiz penaltini vermədi. Ən azı 4-5 epizodda fərqlənmək imkanı əldə etsəkdə şanslarımızı boşa verdik. Əminəm ki, bu dəfə belə olmayacaq.” Xatırladaq ki, Qubada keçiriləcək matç 17 fevral saat 15:00-da keçiriləcək. Komandamız isə, həmin gün səhər raddələrində Qubaya hərkət edəcək.