"Qarabağ" qələbəni restoranda qeyd edib(ÜÇ NÖQTƏ, 11.05.2005)

Ötən tur prinsipial görüşdə "Neftçi"ni məğlub edən "Qarabağ" kulubu bu sevinci restoranda qeyd edib. "Asiman" restoranında klubun rəhbərliyinin də iştirakı ilə geniş ziyafət verilib. İştirakçılar arısnda yer alan vitse-prezident Tahir Gözəl "Neftçi" ilə görüşdə "Qarabağ"ın oyununun ona böyük zövq verdiyini diqqətə çatdırıb. O, növbəti görüşlərdə də ağdamlıların əzmkar oyun sərgiləyəcəyinə inandığını vurğulayıb. "Qarabağ"ın baş məşqçisi İqor Ponomaryov isə sonadək mübarizə apararaq özlərinə layiq yer tutacaqlarını bildirib. Klubun icraçı direktoru Əmrah Çelikel isə "Qarabağ"ın güclü komanda olduğunu diqqətə çatdıraraq onların qarşısında heç bir rəqibin tab gətirməyəcəyini söyləyib. Çıxış edən "Qarabağ"ın rəisi Ramiz Şahməmmədov isə bu görüşün klub üzvlərinə yüksək qayğının və diqqətin nümunəsi olduğunu vurğulayıb.